Míkróskurður

microskorið dekk Barðinn býður upp á míkróskurð fyrir öll dekk; fólksbíladekk, jeppadekk, trukkadekk og lyftaradekk.

Við míkróskurð þá eru skornar fínar línur þvert yfir dekkið til að auka grip og aksturseiginleika í hálku og bleytu.

Míkróskurður eykur einnig endingu á dekkjum þar sem kæling þeirra eykst.
Rannsóknir hafa sýnt að míkróskurður getur dregið úr bremsuvegalengd um 22%. Míkróskurður var fundinn upp árið 1923 af starfsmanni sláturhúss sem var orðinn þreyttur á að detta á hausinn í bleytunni í sláturhúsinu. Hann prófaði að míkróskera sólana á vinnuskóm sínum til að vera ekki alltaf á hausnum.

Míkróskurður á hjólbörðum hófst í kringum 1950 og eru í dag flest vetrardekk míkróskorinn. Við mælum með að jeppamenn sem fara á fjöll prófi að láta míkróskera dekkin hjá sér til að ráða betur við þær aðstæður sem geta mætt þeim á fjöllum.

Við mælum líka með að lyftarakallar sem eru orðnir þreyttir á að spóla á lyfturunum prófi að míkróskera.